東網電視推陳出新 四大評論隆重登場

即係咁，四個全新打造嘅時事評論節目，明日早上六點半前同步推出，以後就會回復正常，各個節目分別於周一至周日播放，換句話講，只要緊貼東網電視，日日都可以觀看精彩節目。四個評論節目分別係，《港是港非》、《港事串燒》、《正反論壇》，同埋由立法會議員黃毓民主持嘅《毓民踢爆》。名家名嘴，各有見解，一針見血，句句到肉，包你拍案叫絕。

至於節目內容，兩個字講晒：精彩！《港是港非》主要分析即日新聞，助市民了解當日重大新聞嘅來龍去脈；《港事串燒》將過去幾日嘅新聞精華濃縮，揭示各事件對社會嘅影響；《正反論壇》邀請正反意見雙方，就社會時事話題進行激辯，唇槍舌劍，火花四濺，夠晒睇頭；《毓民踢爆》主持人牙尖嘴利，思路敏捷，分析獨特，見解精闢。其中將於明早六時半前播放嘅首集《正反論壇》，邀得社區組織協會幹事蔡耀昌及反對濫用綜援大聯盟召集人李梓敬，從正、反兩方面討論終審法院去年底關於新移民申領綜援嘅裁決，兩人各有見解，令人熱切期待。

除咗時事評論重錘出擊，娛樂及財經亦有新搞作。東網電視照顧唔同觀眾嘅需要，推出輕鬆娛樂節目《娛樂onShow》，專訪城中名人，既有八卦猛料，亦有真情剖白；而財經節目《股民信箱》就為股民解答股市疑難，助你掌握投資之道。

係呢，點樣至可以收看東網電視？辦法好簡單啫，只要登入東網或「東網港澳」App，按入ontv東網電視，就可以隨時隨地欣賞精彩內容嘅喇。所以話，「上東網、知天下」，絕對唔係誇張o架。當年諸葛亮未出茅廬，已知天下三分，今日東網讀者安坐家中，就知世界大事。正如有女藝人話齋，東網資訊又快又準，唔使出街都知最Update嘅新聞，以後可以專心做宅女咯。 喺度順便提提大家，「東網港澳」App為咗方便讀者，特設「更新提示廣告」，一按即可更新，方便快捷。

總而言之，快人一步，理想達到。資訊時代樣樣講速度講效率，只要東網在手，就可掌握先機，無往而不利。太一叮約定大家喇，網上見！