SUN搞作：SUN官場現形記：拎櫈黨
教育局局長吳得掂赫見條街個個都拎住張櫈周圍走，在好奇心驅使下，吳得掂決定上前問個究竟……
吳得掂：因乜解究你哋個個都拎住張櫈周圍走嘅？
陳師奶：唔拎櫈仔點同人鬥呀！
吳得掂：咦，拎櫈仔去打交？
陳師奶：上戰場搏過呀，你唔拎番張櫈就蝕底啦！
吳得掂：去打交咁大鑊呀？
陳師奶：梗係大鑊啦！一陣我仲要分身走去第二度幫手！連隔籬屋李師奶大住肚都要去！
吳得掂：唔係啩，大肚婆都唔驚死？
陳師奶：冇辦法啦！幼稚園學位供不應求，唔攞多幾張櫈去爭位排隊攞申請表，點同人鬥呀！我屋企兩個B咪冇書讀！（陳師奶愈講愈激氣，一手拎起張櫈丟去吳得掂度。）
吳得掂：哎呀，唔關我事o架，明明計啱條數o架……
