中華廠商聯合會邁進八十周年，一連串慶祝活動排隊上演，其中一項就係捐三千萬元畀理工大學。呢次捐款行動實在好有效率，雖然廠商會捐錢畀理大都係呢兩個月嘅事，但理大已經拿拿聲做嘢，紅磡隧道出口旁一座理大嘅大樓已經以廠商會命名，市民一望隧道口，好易見到大大隻「香港中華廠商聯合會樓」字樣，夠晒搶眼！
據知呢座大樓嘅命名儀式定於下月二十五日舉行，有口痕友話今次廠商會捐三千萬元獲得命名相當之抵，因為可喺隧道口當眼位置賣廣告。
