廚餘回收，支持環保，由特首夫人梁唐青儀發起嘅「齊惜福」尋日喺鑽石山一個商場搞咗個名人烹飪比賽，多位名人及政界人士捧場，東方報業集團旗艦網站「on.cc東網」全程直擊活動過程，並分段快速上載活動嘅精華內容，就連梁太都大讚「on.cc東網」「效率一流」，名副其實係「上東網、知天下」！

梁唐青儀（左三）與一眾名媛出席「齊惜福」活動推動減廢，左起：仁愛堂副主席羅台秦、莊偉茵；右起：鄧宣宏雁、邱吳惠平、蔡李惠莉。

莊偉茵大讚「on.cc東網」新聞短片夠晒「原汁原味」。

蔣麗芸大讚「on.cc東網」新聞上載得夠晒快。

梁太尋日除擔任烹飪比賽評判外，仲同在場嘅玩具大王蔡志明太太蔡李惠莉、商人邱達昌太太邱吳惠平、莎莎國際老闆娘郭羅桂珍、太子珠寶鐘錶主席鄧鉅明太太鄧宣宏雁、中電企業發展總裁莊偉茵（Quince）等齊齊參觀廚餘機等環保設備。梁太話，政府有資助屋苑添置廚餘機計劃，大家唔打算買廚餘機都可以將可回收嘅垃圾分類棄置，咁屋企個垃圾桶就會好乾淨。

幾位立會議員包括葛珮帆、蔣麗芸、盧偉國、黃碧雲分別夥拍城中名人鬥廚藝，梁太就試食畀分，最後人人有獎、皆大歡喜。「on.cc東網」即時將活動嘅精彩內容分段上網，Quince一見自己嘅報道，大讚短片夠晒「原汁原味」，能夠真確反映成個活動詳情，仲好雀躍咁畀梁太睇。而梁太之後去探訪新家園協會時，就話一向都知「on.cc東網」好有效率，而且「效率一流」！平時喺街或立法會都會睇「on.cc東網」嘅葛珮帆話︰「連八寶袈裟（佢煮嘅餸）都寫埋，好快好新，資料好詳盡！」

第一手消息請下載on.cc東網iPhone/iPad/Android Apps