SUN搞作:sun官場現形記:榜上有名
貪曾貪湯兩個喺度你一句我一句,傾得鬼死咁開心,李衞於是匿埋喺隔籬,偷聽吓佢哋噏乜……
貪曾:兄弟,你今次威啦,咁多人都識你……
貪湯:唓,啲人見我做過廉政專員至識我啫!
貪曾:唔係喎,你成日見報,個頭有咁大得咁大,仲高曝光率過我!
貪湯:呢啲衰嘢唔好提啦!
貪曾:最深刻都係你用公帑買魚蛋同牛腩,認真識食!
貪湯:你都唔弱吖,收埋收埋咁多茅台……
貪曾:不過喺「二○一三年港台京名人榜」入面,你上咗香港區第五位,真係全港市民都識你嘞!
貪湯:唔使唔開心喎,你都有份上榜,不過第廿一名啫……
李衞:你哋兩個雙貪,因為連串酬酢貪腐醜聞而上榜都咁鬼開心,不知廉恥,真係丟晒香港嘅面,打死你哋!啪啪啪啪啪!