生死十秒的士司機心寒
【本報訊】「見到咁大舊石屎，真係心都寒埋……估唔到一四年伊始有『咁唔好嘅開頭』」，被石屎雨擊中之的士，姓周司機憶述經歷生死十秒時，猶有餘悸，「咁嘅環境，梗係好驚啦，好彩都有驚無險。」他又指雖然「好彩」沒有受傷，但「唔好彩」的是的士損毀，阻礙做生意，希望日後不會再遇「咁驚喜」的意外。
拳頭般大的石屎碎片（箭嘴示）散落在馬路。
的士右車頭被石屎砸凹。
客貨車車頂被石屎擊穿。
有關人員在現場收集墮地的石塊。
金庸女兒及女婿名下七人車遭石屎擊中。
周駕駛的士搵食多年，事發時正沿軒尼詩道往銅鑼灣方向慢行，打算在距離熙信大廈不遠處右轉入分域街，再往莊士敦道兜客。豈料，突聽到一陣「沙沙聲」，未幾車頂傳來「嘭嘭」被硬物擊中響聲，隨即見到比拳頭還大的石屎、棚竹及木方飛落馬路中央，「石屎雨」維持了十秒才停止。他立即慌忙落車走到「有瓦遮頭」路邊暫避。
另外，金庸女兒查傳訥及其夫婿吳維昌名下七人車的姓高司機表示，事發時正趕往接載老闆娘，突然聽聞一陣「沙、沙」聲後，即傳來「嘭」一聲巨響，頓感全車震動。他憶述稱，當時「驚就唔係好驚，只係好想快啲踩油駛過，無奈前面咁多車塞住，根本無辦法可以開快啲。」事後，他看見警員檢拾石屎，才知墮下的石屎「咁大」，如果擊中司機位車頂，後果堪虞。吳維昌接受電話查詢時則指不清楚事發時情況，着記者詢問其司機。
