SUN搞作:SUN官場現形記:老模行騷?
遊行日,只見民主阿婆舉止奇怪,搞到身邊人手忙腳亂,終於忍唔住開口問民主阿婆究竟搞乜鬼……
身邊人︰點解我哋要行得咁慢,連大隊影尾都見唔到……
民主阿婆︰你識咩?都見唔到攝影機,行咁快做乜?
身邊人︰咁咪即係裝模作樣博出鏡。
民主阿婆︰你話我扮嘢?
身邊人︰唔係,係讚你……老模行騷行得好睇!
民主阿婆︰嘻嘻,記者朋友一定可以影得我靚一靚。
(民主阿婆突然加快腳步)
身邊人︰我哋終於要跟上大隊喇?但好似唔係呢個方向喎……
民主阿婆︰你真係口水多過茶,好喇同你飲啖茶,食個包,坐低慢慢再講。
身邊人︰@##$$%%%^