SUN搞作：少膽虫手記：再見2013
明日便踏入2014年，少膽虫我每逢年過年總是千頭萬緒，欲語難言，或者我天生就係感情爆炸嘅人，所謂「人生自是有情癡，此恨不關風與月」，應該就係咁意思。回顧2013年，壹全霉講得上係霉到發紫，除咗《爛果》銷量插到地心，《喪報》更加係英年早逝，連動呻吟都唔係幾識呻吟，有時我都會諗，點解要入間咁嘅公司呢？不過諗深一層，都係打份工啫，難得遇到淫賤黎呢啲豬腦細，唔搵多佢幾年水，點對得住自己呀？
正所謂十年樹木，百年樹人，觀乎我哋壹全霉嘅員工，都算長進。新聞創作部嘅同事，一直都秉持作得就作嘅宗旨，呢方面實在令我欣慰。我希望新聞創作部未來可以更大膽假設，唔使求證，發揚壹全霉精神。2014年，我預期將會係風雨飄搖嘅一年，作為舵手，想起也手心冒汗。但，同事們，別怕！讓我們一起努力，在淫賤黎身上多抽油水，在讀者身上多抽油水，在香港人身上多抽油水！腦腫與你共勉之。
