SUN搞作:SUN官場現形記:甩骨大道
李衞趁今晚除夕,到尖沙咀星光大道感受吓港人倒數的氣氛,恰巧遇上康文署署長儀儀,於是兩人寒暄一番……
李衞:咁耐冇嚟星光大道,呢度唔同晒!
儀儀:唔係吖,都冇咩點變!
李衞:以前係康莊大道,依家寸步難行……
儀儀:今晚除夕,多人嚟睇煙花,所以逼啲啫!
李衞:你睇吓嗰邊,封晒圍板,水馬又一大堆,成個地盤咁……
儀儀:有工程進行中……香港人,將就下囉!
李衞:弊在橋底有裂紋,石屎剝落,鋼筋外露,聞名國際嘅旅遊景點慘淪甩皮甩骨,點叫人嚟呢度觀光呀!你哋羞唔羞家o架!
儀儀:怕咩呢?依家咪人頭湧湧囉……哎呀!
李衞:話咗條橋牙煙啦,今鋪真係冧啦,走呀!