城中鏡：郭志樑帆船隊又揚威
永安國際主席Karl郭志樑鍾意玩帆船，最近佢聯同兩名華人，駕駛「Beau Geste號」出賽，以兩日十五小時十分四十五秒嘅成績攞到第五名，Karl喺九七年首次參加呢個賽事，仲成為第一個贏得悉尼至荷巴特帆船大賽嘅亞洲隊伍，今次係第二次由華人掌舵殺入前五名。
郭志樑最近聯同兩名華人，奪得國際帆船賽第五名。
郭志樑參賽所用嘅「Beau Geste號」。
永安百貨係華資百貨「四大公司」之一，由郭家經營，Karl係郭家後人，郭家則以第一代嘅郭泉、郭樂兩兄弟喺澳洲經營果欄開始。及至一九○七年，兩兄弟回港創立永安百貨。郭家其後還進軍保險、銀行同地產業務，並喺一九七三年將呢啲業務以永安人壽名義上市，其後易名為永安集團，擁有永安國際。喺一九八五年，Karl接替堂兄郭志權，出任永安國際主席。
永安國際最重要嘅業務當然係百貨及物業投資，Karl同郭家其他成員一樣，作風好低調，但Karl喺體育界就相當活躍，六十四歲嘅佢唔單止鍾意揚帆出海，仲做埋香港帆船運動總會會長、中國香港體育協會暨奧林匹克委員會副會長同香港體育學院董事局成員。
