SUN搞作：SUN官場現形記：危機四伏
李衞家住港島，個人又深閨，平時甚少踏足九龍。今日難得過一過海，赫然發現四圍都有地盤，鑿到一地都係窿，到底搞邊科？
李衞︰周圍都係窿，全民種生機呀？
貪曾︰哈哈！呢啲全部都係我嘅功勞。
李衞︰原來又係你啲蘇州米田共！
貪曾︰識乜丫你，你睇啲地盤幾壯觀。
李衞︰啲地盤阻住晒條路，條車龍仲壯觀呀！
貪曾︰嘿！講呢啲。十大基建咁多工程，梗係多地盤啦！
李衞︰係你亂咁嚟，搞到啲工程重疊晒先會咁！
貪曾︰費事同你講，返屋企歎茅台。
李衞︰你睇住呀！
貪曾︰想恐嚇我？我未驚……哎呀！
李衞︰叫咗你睇住前面個地窿o架喇！
