政壇：「文昌啟智禮」善信逼爆

位於上環嘅文武廟尋日舉行一年一度嘅大型酬神祈福祭典「文昌啟智禮」，典禮由著名道觀青松觀道長主持，喺下晝四點儀式開始前，廟外已有逾二百名善信排隊觀禮，逼爆文武廟，成功入廟嘅善信紛紛跟隨道長向文昌帝君肅立行禮，同埋領取開光後嘅福袋，道長亦為十八卷「文昌御前加佑金榜」供善信公開競投。現場所見，大部分人都係嚟祈求子女學業進步、聰明勤奮。善信郭先生話就讀中六嘅長子今年就要考公開試，祈求佢可以考上心儀嘅大學。