博愛醫院前副主席吳俊華大宅日前就被賊人「光顧」，損失逾百萬元財物，正值歲晚，名人都提高警惕，各有妙計，「玩具大王」蔡志明家住沙田九肚山大宅，蔡太李惠莉話，佢屋企有齊晒防盜警鐘、紅外線攝錄機，仲有多名保安二十四小時巡邏。咁仲未夠，佢哋仲養咗十幾隻大狼狗，啲狗聞到陌生人氣味就狂吠，賊人休想越雷池半步，保安果然夠穩陣。

梁青華

喜運佳鐘錶常董梁青華（華哥）不約而同養狗防賊，去年佢由住宅大廈搬入大埔三層高村屋時，即領養一隻退休警犬幫手看門口，依家佢屋企有一大一細狗仔，加上唔少鄰居都有養狗，所以有陌生人行近，班狗仔就鬥吠，因此村內一直相安無事。

第一手消息請下載on.cc東網iPhone/iPad/Android Apps