民政事務局局長曾德成將聯同十八區區議會正、副主席喺下月訪京，有消息話，屆時仲好可能會獲港澳辦主任王光亞或更高級官員接見。港府正就政改進行諮詢，十八區區議會喺呢個敏感時刻上京，莫非北京想佢哋協助推行政改？抑或要傳達重要訊息呢？有區議會主席透露，有人同佢哋講抵京翌日就同領導人見面，所以叮囑佢哋一定要隨團活動，千祈咪遲到。

據悉今次訪京團會喺下月九至十二號訪問四日，期間會到訪北京同天津，而按資歷應該會由身兼鄉議局主席嘅屯門區議會主席劉皇發擔任團長。今屆區議會正、副主席都由建制派包攬，故今次訪京嘅清一色都係建制派，而接見佢哋嘅可能會有更高級嘅官員。

第一手消息請下載on.cc東網iPhone/iPad/Android Apps