政壇：小明醫生獻唱伴奏大陣仗
香港業餘管弦樂團前日同中國香港青年交響樂團喺文化中心開咗個聖誕音樂會，「小明」李家仁醫生應邀擔任壓軸嘉賓，李醫生嘅小明歌曲今次由管弦樂伴奏，當佢獻唱《小明過聖誕》同《小明上廣州》兩首歌時，現場氣氛好熱鬧，大家都有開心體驗。
李家仁話同兩個樂團合作演出兩首小明歌曲，真係夢寐以求。（互聯網圖片）
李家仁話，佢首次喺文化中心音樂廳唱歌，仲同兩個樂團共八十人同台演出，作為「歌手」真係夢寐以求，而且唱到《小明上廣州》嗰陣，台下觀眾仲一齊拍手，氣氛真係「好High」。為咗呢場演出，李家仁真係唔敢怠慢，前日五點放工就即刻去文化中心綵排，話咁快就夾好兩首歌。嚟緊農曆新年，佢將推出《小明接財神》嘅新歌，正頭痛唔知點幫呢首歌拍MV，擔心趕唔切過年播出街喎。
