小賢小駿頭耷耷慢行，一把聲音突然於耳邊響起，「後生仔，公開試衰咗唔使灰心喎，大學嘅大門幾時都為你哋打開。」「吓？我哋得零分，大學都收咩？」小駿驚訝地問西裝男。西裝男拍拍二人膊頭，「基本上，我哋山旮旯學院嘅副學士課程，只要係負一分以上都收，所以放心。」

前路茫茫，小賢小駿對建議猶豫不決，「咁學費貴唔貴o架？」「梗係唔貴喇！依家我哋做緊優惠，二人同讀，一人價錢，原本一年二十萬蚊，即刻報名淨收你九萬九千九百九十九，仲送多樣高科技產品─USB手指畀你哋！真係抵到爛！」面對西裝男的甜言蜜語，小賢小駿由跌落谷底，變為對未來有所憧憬，猶幸小駿猛然驚醒，「聽聞僱主唔係咁滿意副學士嘅英文，你哋啲課程質素有無保證o架？」

「當然有喇！」西裝男隨手抓起一位學生，要他說句英文，學生隨口說道︰「My english is the goodest！」

第一手消息請下載on.cc東網iPhone/iPad/Android/Windows Phone Apps