鍾樹根（互聯網圖片）
【互聯網】愛好攝影嘅立法會議員鍾樹根收藏咗唔少靚相機，近日佢就為其中三部德國名牌相機換「新衫」，仲忍唔住影埋相放上社交網站同網友分享。網友見到樹根幾部相機就大讚係好嘢，值得收藏咁話，但亦有心水清嘅人留言話啲相機好貴，話樹根認真有米喎！擁有唔少屋邨基層選票嘅樹根，見到留言就即刻解釋，話全部都係二手嘢嚟啫，已經係四年前買入o架喇，仲話其中一部原價三萬九千元嘅二手相機，佢只係以一萬三千元買咗返嚟，但佢就冇講到相片中間最貴嗰部相機嘅價錢喎！
鍾樹根為其中三部德國名牌相機換「新衫」，影埋相放上社交網站。（互聯網圖片）
第一手消息請下載on.cc東網
