驚魂三十分鐘 嚇怕老實司機

彭先生接受訪問時表示，揸夜更的士才三、四個月，首次遇上這樣「騎呢」乘客，他形容姓劉的東北漢是「精神病，佢係傻嘅」。彭指出，劉操普通話，上車時並無異樣，身上沒有酒氣，不久卻開始發癲，自言自語又唱歌，彭已心感不妙，但未有即時停車。

詎料，當彭駛出大欖隧道往元朗方向時，劉卻突然指手畫腳，如「神」上身般大嗌「我是神」。之後不停用力拍打彭的左後腦及左耳，其眼鏡更被打至飛脫，彭驚惶失措，下意識用左手擋格，右手繼續揸車，在交匯處路旁時停車，情急下未有拔走車匙便逃離的士。

「再揸都有心理壓力」

彭又指，接報警員更指示他「搵個地方匿埋先」，彭遂躲在遠離的士位置，「唔敢靠近佢（劉）」，但期間卻一直聽到劉在車內不斷吼叫，心驚膽顫。由於彭的眼鏡被怪漢打甩飛脫，故不清楚怪漢如何駕駛的士離開。

彭的妻兒事後接報事件感震驚，他指現在仍感頭暈，左手被打腫，暫時會休息，未知會否再揸夜更的士，「好難講，遲啲先再諗，再揸都心理有壓力」。

據涉事的士管理人陳先生透露，該的士由他租予彭，租借了兩至三個月，彭為夜更替工。陳形容彭做事不俗，不曾刮花或損毀的士，名副其實「係個老實人」。至於涉事的士車頭撞散無法維修，已經報銷，賠償問題會交車主處理。