SUN搞作：打橫嚟講：香港法治唔死，都……
這十七個月以來，香港大陸化之速度，叫本地人頂不順了！本來，仲以為有嚴謹的法治做後盾（起碼有法治「精神」吖！），讓香港有別於內地城鎮，點知，想創咗個心！
早前，有件大陸有錢佬，在香港特區九龍塘，被舊女友拒諸門外，涉嫌揸住支伸縮警棍爬上人家露台，打爛窗門玻璃，硬闖入屋，更令屋主身體受傷，送院治理，過程有證有據，該土豪惡霸被香港警方告傷人、管有攻擊性武器及刑事毀壞三大罪，怎知，日前開審，法庭卻「決定撤控」，原因……係「控方未能將證人傳票派給被告」喎！吓！咁都得？一樁涉及嚴重罪行嘅案件，因被告未收到傳票，佢就逍遙法外？但有大律師話，若任何「證人」收到傳票後不出庭，則會被拘捕！
呢單爬入屋傷人刑毀事件十分弔詭，既然被告沒收傳票，但佢卻有現身法庭，得知判果後，笑着離去！
呢單案件，赫見香港法治唔死……都無用！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
