政壇：每周之星：兜巴星：旅客無理索賠 蘇錦樑冇招應變

聖誕節前夕，內地一個旅行團部分成員滯港，要求旅行社就佢哋無法遊台灣賠償十倍團費，由於啲團員喺香港搞事，本港旅遊業又無辜遭連累，形象受損。事後旅遊業界連日斡旋，但商務及經濟發展局局長蘇錦樑卻輕描淡寫咁回應業界已經跟進，好似當件事冇到咁。其實，內地早在今年十月一日已經落實《旅遊法》，今次啲內地團友亦口口聲聲按《旅遊法》索賠，但本港旅遊界應變卻無乜章法，只能在事後諗到要向國家旅遊局要求內地遊客必須完成簽證才來港嘅規定，蘇錦樑作為旅遊業嘅政策局長，真係應該拿拿聲研究堵塞漏洞，以免本港旅遊業再被拖落水。