政壇：每周之星：至叻星：退市衝擊經濟 鬍鬚曾傻強靠嚇

美國喺聖誕前啟動退市步伐，資金浪潮逆轉，對未來一年嘅經濟料會有好大衝擊，全球財金官員都金睛火眼(目及)實，本港財政司司長鬍鬚曾曾俊華同財經事務及庫務局局長陳家強（傻強）早前都懶淡定咁回應，不過佢哋用嘅招數就老土到暈，只係識得靠嚇，向市民暗示香港會比美國先加息、又嚇樓市消費者辣招唔撤得等等。最離譜嘅仲係鬍鬚曾，佢明年初公布嘅《財政預算案》係新一年嘅財政大計，亦係外間視為應對美國退市嘅有力武器，點知鬍鬚曾卻喺網誌預告荷包依然要撳實嘅守財奴風格，旨意佢打救經濟，真係唔使諗咯。