政壇：劉江華去旅行用腦攝靚景
智能手機流行後，好多人都開始有隨時拍、隨時周圍傳嘅習慣。政制及內地事務局副局長劉江華尋日出席一個慈善攝影籌款展覽時，就自爆佢唔係咁鍾意影相，就算去旅行都唔帶相機，因為佢寧願將人物景色全部記喺個腦度，唔使因掛住影相錯過啲風景喎！
劉江華自爆唔鍾意影相，同佢沉悶嘅形象都幾一致。
靚景裝入腦固然重要，但隨手影張相都唔係好嘥時間啫，何況第日年紀大咗記憶力衰退，想攞本相簿或睇吓老照片回憶以往都冇機會喎。再諗深啲，唔熱衷影相會唔會搞到屋企搵張全家福都難o架？
已轉職政府嘅劉江華依家要幫手做政改諮詢，尋日佢連上台致詞時都不忘推銷，搞到主持人都話，估唔到劉副局長連公眾假期都好似冇放假咁。
