SUN搞作：網絡小說：天堂失敗之路

出發嗰陣，突然面前有一班比堅尼女郎閃過，鹹濕衰格嘅貪湯見到即刻忍唔住，衝咗上去搭訕，結果一掂到靚女個膊頭，就「澎！」一聲畀上帝丟咗去地獄。貪曾同淫賤黎繼續行，行吓行吓，貪曾見到地下有疊銀紙，心諗:「偷偷地擸咗去，可以喺上天堂之前擦餐勁！」於是趁上帝擰歪面嗰陣，踎低偷錢，結果喺偷錢嗰刻，就畀上帝「叮」咗落地獄。

淫賤黎見到兩位「戰友」忍受唔到引誘，以為自己贏晒，上硬天堂，不禁喺街流晒口水咁笑。萬能的上帝見狀，指住淫賤黎隻手，「介唔介意拎你部手機出嚟睇吓？」淫賤黎聽到，當堂震咗一震，面有難色，上帝問：「何解你啱啱起勢偷拍貪湯、貪曾？」淫賤黎吞吞吐吐，「如……如果下一期《爛周刊》有橋，壹全霉實翻到身呀！」上帝聽罷大怒，罵了四字：「宣淫販賤！」便把淫賤黎丟進地獄去。