SUN搞作：SUN官場現形記：羞家
教育局局長吳得掂去濕平，撞啱商場搞緊招聘日，有位僱主頭耷耷，一臉愁眉苦臉，吳得掂於是上前八吓發生乜事……
吳得掂：呢位僱主唉聲嘆氣，因乜咁愁？
僱主：唉，鬼咩，公司請極都請唔到人……
吳得掂：畢業生就話難搵工啫，請人都請唔到咁誇張？
僱主：個個嚟見工嘅都係啱啱畢業，仲要係副學士……
吳得掂：副學士都好吖，年輕上進，畀個機會佢哋試吓吖嘛……
僱主：唔係我唔畀機會，係佢哋唔珍惜機會……
吳得掂：何解呢？
僱主：副學士畢業生普遍英語差、唔夠自信心！收生學額就不斷增加，但畢業生質素參差，叫我點敢請佢哋呀！
吳得掂：超！我夠無自信又質素差喇，咪一樣有人請！
