設計圖片
潮屬社團總會快將換屆，傳統慣例係主席一職應順理成章由現任潮州商會會長擔任，現任會長係周振基（Stephen），但今年佢哋卻打破傳統，由原本卸任嘅陳幼南（Ian）冧莊做多一屆主席，做法極不尋常，甚至有傳事情同Stephen在任潮商會時，會內有唔少風波有關，當事人Stephen否認有關傳聞，仲聲言：「我要坐（主席位），一定坐得到！」
新一屆潮屬社團總會主席位飛走了，有人估計可能同年前Stephen實施加會費風波有關，亦令人更關注「陳周之爭」，據講，支持Ian嘅陣營中有唔少元老，包括陳父陳偉南、永遠名譽主席蔡衍濤、許學之等，陳父更係總會創會主席，在會內一向德高望重，喺眾元老力挺下，Ian獲拍板留任。
至於失落總會主席之位嘅Stephen，就當選名譽會長，因而被指獲頒「安慰獎」。Stephen話冇為此唔開心，亦否認有人不滿佢而「奪去」主席之位。佢話總會主席係由潮州商會推薦，佢身為會長，絕對可以推薦自己。佢亦有感Ian做得唔錯，唔少新政策需要持續推行，所以選擇退位讓賢喎。佢又話，歷屆潮屬社團總會主席只係咁蹺由潮商會長出任，兩者之間係無必然性喎。
第一手消息請下載on.cc東網
