「判決合法不合理!」豉油檔的少主人一邊咬全村唯一一隻雞右翼,一邊大聲疾呼,「雖然我唔識睇判詞,但無貢獻嘅人無資格有豉油!」說的是村中德高望重的「鍾嬸」決定新到移民可以擁有豉油,用作撈飯炒菜,甚至可以整多幾隻豉油雞右翼,威脅其唯一地位。

「呢隻右翼膠質豐富濃郁,的確唔可以同人分享。」一班叉腰擺甫士的檔友極為同意,「我哋豉油檔不嬲唔摻其他人玩,家陣要畀十三億人嚟買豉油?」眾人義憤填膺,但繼續擺甫士。

「唔使緊張!」不愧為豉油檔未來接班人,他手執雞骨當令箭,訓示一眾檔友:「我哋豉油檔咁有銀用,只要我哋貫徹貢獻論嘅原則,我哋就一定好有貢獻,立於不敗之地!」眾皆點頭稱是。

「好!大家跟我一齊嗌!」少主人振右翼高呼:「反對九年免費教育養廢柴!反對公立醫院先救人後畀錢!」

第一手消息請下載on.cc東網iPhone/iPad/Android Apps