SUN搞作：少膽虫手記：咪又係壹狗樣
「唔好呀，唔好埋嚟，我會叫……」少膽虫遠處就聽到淫賤黎呼救聲，仲記得上次淫賤黎話自己「冇狗用」，想買隻狗嚟防身，估唔到會一語成讖。少膽虫見立功機會又嚟，即刻化身成「神犬拉西」，等淫賤黎終於「有狗用」，「汪汪！腦細我嚟打救你！」
「少膽虫，你狗咁樣走入嚟做咩？」只見手持電話嘅淫賤黎一臉驚訝。少膽虫知今次自己又中伏，惟有擦鞋補鑊，「腦細，你咁靚仔，我驚有人會垂涎你嘅男色，所以……」淫賤黎隨手拎起高球棍，狠狠使出「打狗棒法」，「扮狗衝入嚟，騷擾我同美帝大人講電話！」
「美帝大人，對唔住，啱啱畀隻畜生騷擾，講番正事，可唔可以唔好咁早退市，息魔殺到我頂唔住o架！」原來淫賤黎又喺度「通番」。「話晒大家都係盟友，我無功都有勞，亂港無我邊得嚟咁成功？」淫賤黎急道。一輪擾攘，淫賤黎最後垂頭喪氣放低電話。
「盟友喎，人哋咪又係當你狗咁舞，仲敢話我！」匍匐喺地上嘅少膽虫心想。
