房署署長「高高」，行經晴朗街市，只見商戶手舞足蹈唔知做咩，所以就行埋去問下發生咩事。

商戶︰我哋做咩？咪拍烏蠅囉！

高高︰吓，唔通呢度好似屯門早前咁，畀烏蠅攻陷咗？

商戶︰仲好講，我哋係靜到無生意，所以先「拍烏蠅」。

高高︰其實我都好想畀租金優惠你哋，但雜務纏身，好難有動力做嘢，真係想做運動鬆一鬆筋骨。

商戶︰一早知你係「神射手」，不如一齊踢番場波紓緩吓。

高高︰你哋唔驚就嚟喇！（商戶衝前猛踢高高）

高高︰做咩當我波咁踢，呢啲係咩踢波？

商戶︰你咩都唔做，「射波」咁叻，擺明就係踢一下做一下嘅人，唔當你波咁踢，你點會做嘢呢？

第一手消息請下載on.cc東網iPhone/iPad/Android Apps