SUN搞作：打橫嚟講：大陸難民亂港，又一例證
一團大陸平價旅行團，經香港遠赴台灣，因入台簽證有問題不獲入境，本應「遣返」大陸，但這百多人路過香港落馬洲時發難，賴死唔肯回鄉，大吵大鬧，借香港新聞自由之優勢，搞大件事，逼有關旅行社每人賠五萬元，仲拋出中國訂立的「國家旅遊法」之「假一賠十」法例，大陸人講法治。
話明係平價嘅「價惠價」，原來，佢哋嘅團費係二千六至四千元不等，家陣要索償五萬元咁多，話係合理的包括精神損失喎！唔畀，就絕食！但最終無人絕食囉！
呢單嘢，從頭到尾的「大騙案」，根本同香港一丁兒無關，但呢班強國人卻在此撒野，更乘勢數臭香港接待的「帶街」呃佢哋去「購物」。咁都未PK，佢哋仲將架旅遊大巴橫擺馬路中，特意堵塞其他到站巴士，攪亂香港秩序，香港廢柴政府點解唔派駐港人民解放軍去掃場解困呢？
有老友講起呢單嘢，青筋暴現，話二千幾銀去台灣玩十日，買機票都唔得啦！唔帶你班羊牯去購物，唔通去食翅呀？未出發就大家心知肚明啦！仲每人一件紅大褸，唔使成本呀？
仲有呀！辦入台證出問題，有冇牽涉「假證件」先？唔通台灣政府好似香港咁，無「入境控制權」，畀啲蝗蟲非法自出自入咩！見老友愈講愈慶，離晒題，本人一直好理性的嘛！遂同佢講，小病是福呀！呢啲鬧劇醜態讓愛和諧的香港低B左膠見識吓及回應吓港人感受咪好囉！
香港廢柴政府官員由頭到尾都唔知死咗去邊，任由班強國難民亂港，這叫有效施政嗎？
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
