聖誕鐘聲響起喇，呢排坊間有好多預測、評估，咁啱美國宣布退市，金融界人士更紛紛分享自己對明年市況嘅睇法，縱橫股壇數十年嘅立法會金融服務界議員張華峰就變身大好友，一啲都唔擔心美國退市，佢尋日趁周末入馬場，講到美國退市，佢話對香港影響唔大，但認為較影響港股嘅不利因素係內地抽回資金及相關問題，佢一直長期睇好股市發展，仲預測明年恒指會升到二萬八千點喎！

設計圖片

唔少人話退市對本港股樓都有影響，咁樓價又點呢？張華峰提醒港人，本港有機會比美國更早加息。張華峰呢個睇法好似熟口熟面喎，皆因財政司司長曾俊華前日已早一步提出類似說法，依家張華峰又係咁講，嗰啲以為本港有排唔會加息嘅投資者真係要小心喇。

點都好，投資市場波譎雲詭，乜嘢貼士或明燈都係假嘅，最緊要自己冷靜分析同埋量力而為。

第一手消息請下載on.cc東網iPhone/iPad/Android Apps