香港大學醫學院院長梁卓偉喺官場同學界都做出成績，又鍾意玩音樂，原來佢都有壞習慣，佢尋日出席肝壽基金為肝病兒童搞嘅聖誕聯歡會，幫手宣揚器官捐贈。大家都知佢早已簽咗器官捐贈卡，梁卓偉講講吓喺銀包拎張卡出嚟，又自爆成日揸快車，非常之曳，但希望曳得來都幫到人，所以隨身帶卡以便有咩意外時，全身器官可以及時捐畀有需要嘅人，咁樣宣傳，真係大吉利是囉。

梁卓偉

記得十月底，中環夏慤道天橋有一宗四車連環相撞嘅交通意外，其中就包括梁卓偉嘅平治座駕，當時係佢嘅司機揸車，好彩喺車上嘅佢平安無事。梁卓偉話佢經常要趕場，好似尋日就連跑三場，揸快車趕到都要遲十幾分鐘。

第一手消息請下載on.cc東網iPhone/iPad/Android Apps