議員嘅街上橫額有好多用途，原來除咗宣傳地區工作及活動外，仲可以公器私用。有網民發現，沙田區議員容溟舟利用自己區內嘅一幅橫額「刊登」失物啟事，叫居民幫佢尋找早前有日上午工作時遺失嘅保溫瓶，話呢個保溫瓶係佢太太送贈嘅禮物，對佢極具意義，如拾獲可致電給佢或交回佢辦事處喎。容溟舟解釋話：「唔見咗個保溫瓶，唔通我去警署報案咩？警察都唔受理啦，咁咪透過橫額搵失物囉，如果咁都被人話公器私用，真係冇辦法！」講到底，橫額唔係畀議員咁樣用囉！
（互聯網圖片）
