城中鏡：陳榮聲聖誕送禮抽火雞

原先以為只會見到友邦香港及澳門市場及業務策略總經理Bonnie謝佩蘭，點知後來突然話有個神秘嘉賓，請咗大粒高層友邦香港及澳門首席執行官陳榮聲出嚟做聖誕老人，唔係同鹿仔，而係推住三隻火雞！獎就抽得多，抽火雞就真係好少見，但係火雞有十六磅重，踩住高跟鞋點抬走呢？

友邦一早幫你諗好晒，可以將隻火雞速遞去任何地方，仲要連刀都幫你準備埋，呢啲咪叫優質服務態度囉!其實友邦唔止夠細心，仲好有善心，Bonnie話友邦今年四月開始同志願機構「惜食堂」（Food Angel）合作，每星期回收AIA Central宴會部嘅剩餘食物兩次，受惠對象主要係長者同埋低收入家庭。