德盛安聯大中華及東南亞機構業務總監余天佑興趣多多，原來仲係「基金界廚魔」，中、日、韓、西餐都難佢唔到，除咗咕嚕肉同乾炒牛河仲未學識，茶記都無嘢係佢煮唔到！

余天佑除咗揀基金有眼光之外，對烹飪都好有研究o架！

估唔到除咗揀基金有眼光之外，余天佑對烹飪都有研究。話說尋日食鐵板燒，佢見到個爐頭簡直係兩眼發光，咁啱大廚行開咗，佢即刻攝埋位想露兩手！

聽講佢平時放咗工仲會落廚，網grill魚柳，煎吓牛扒，work-life-balance其實都幾簡單o架！嫌網燒魚柳太「入門級」？咁生炒糯米飯夠神級喇啩？淨係要啲生米煮成熟飯都炒到手軟，之但係佢炒到似模似樣喎！

賣相好，唔知味道又有幾得？咁梗係要聽吓third party點評啦，早排「基金界廚魔」請一班朋友上佢屋企食消夜，係咁意炒咗碟肥牛炒公仔麵咋，受歡迎指數爆晒燈，連食齋嗰位朋友都把持唔住，真係阿彌陀佛！

第一手消息請下載on.cc東網iPhone/iPad/Android/Windows Phone Apps