SUN搞作:Sun官場現形記:立會「借聊」
立法會議員犯國規提議封咗立法會條秘道,但好多議員表明反對。傾傾吓,犯國規竟然同「建掣派」嘈起上嚟……
建掣派︰好哋哋,做咩要封咗條秘道?
犯國規︰咁做係為咗令議員面對群眾,唔再偷偷摸摸。
建掣派︰偷偷摸摸都好過你「光明正大」帶集會人士入立會沖涼,明知故犯!
犯國規︰你識咩?呢啲叫開方便之門畀有需要嘅人士。
建掣派︰門就係門,不過係選票之門咁解!
犯國規︰你……
(一位市民經過。)
市 民︰咦,使唔使借啲「聊」畀你哋?
建掣派︰「聊」係咩嚟?
市 民︰無,見你兩個正經嘢唔做,為咗封秘道呢啲小事都嗌一餐,咪諗住借啲畀你哋,等你哋唔使咁「無聊」!