有傳政府明年將捲土重來，就擴建堆填區建議再提交立法會，又會申請撥款興建焚化爐，唔知政府提出嘅補償措施能否爭取議員支持呢？立法會議員EQ葛珮帆尋日就要求政府做足七項措施，先至考慮係咪支持建議，仲要缺一不可添。

葛珮帆要政府做足七項條件，先至考慮係咪支持擴建堆填區建議。

EQ提出嘅意見包括要求改裝現行嘅無蓋垃圾車，喺將軍澳安裝閉路電視、空氣及臭味監測系統，承諾唔再喺當地傾倒家居廢物，研究經海路運送垃圾，以及承諾今次係最後一次擴建將軍澳堆填區。咁多建議，似足泛民主派就政改提出嘅公民提名方案，要政府支持，簡直係不可能嘅任務，不如投反對票更加直接。

講番個茶敍，EQ話香港每日都產生太多廢物，希望大家出一分力，奉行綠色聖誕，而平日就種多啲樹，中和溫室氣體，好似佢咁，辦公室入面就種咗好多植物，成個森林咁喎。

第一手消息請下載on.cc東網iPhone/iPad/Android/Windows Phone Apps