SUN搞作：網絡小說：貪曾貪湯「路姆西」
雖然貪曾上次偷偷地嚟香港黐飲黐食畀人踢爆，但厚顏無恥嘅佢見香港咁易呃，梗係食過翻尋味，趁就嚟聖誕節，又再竄去啲旺區呃飲呃食，Cheap到爆嘅佢今次仲帶埋貪湯一齊嚟添。
兩件前貪官一到埗就飛奔去銅鑼灣，貪湯煞有介事咁同貪曾講：「曾曾，我收到風，有隻叫『路姆西』嘅公仔好值得炒！」貪曾聽見即刻兩眼發光：「真定假呀？賺到幾多先？」貪湯笑騎騎咁講：「嗰間鬼佬傢俬舖日日清貨呀，原本賣八十幾蚊，一炒炒到賣$6,890，夠我哋買好多支茅台喇！」聽到有咁多錢賺，貪曾即刻連口水都流埋出嚟。
貪曾同貪湯竄咗去鬼佬傢俬舖，用十蚊買咗條熱狗，然後就企喺舖頭門口，一見到有細路仔拎住隻「路姆西」走出嚟，貪曾即刻「E」起棚爛牙，懶親切咁問細路：「小朋友，熱狗巧巧食，叔叔用熱狗同你換公仔巧冇呀？」小朋友不虞有詐，慢慢將公仔遞出……說時遲，那時快，人群突然圍住貪曾貪湯，大叫「路姆西呀！」，貪湯話：「有咁多公仔想賣？我同你哋要晒佢！」
豈料，人群中有位義人大叫：「過主啦！細路都呃，我想叫你哋『No More 西』咋！」
