SUN搞作：SUN官場現形記：香港奪「灰」
有位市民喺維港海旁獨自徘徊，心情低落。環境局局長裙腳星見狀，擔心佢會睇唔開做傻事，即刻上前安慰。
市民︰唉，真係灰到爆……
裙腳星︰先生，你冷靜啲，唔好做傻事！
市民︰日日都係咁，真係好辛苦。
裙腳星︰唔通你係中產家長，為子女感到憂慮？
市民︰就算唔係中產，咁嘅情況都難以忍受，我要……（裙腳星一聽，衝前抱緊市民。）
市民︰你做咩？無端端攬住我。
裙腳星︰你唔係因為灰到爆而要跳海咩？
市民︰你都傻嘅，我係見內地霧霾搞到維港灰到爆，空氣差令到我好辛苦，要走為上計咋！
裙腳星︰％＾＆＃！！）＠！
