立法會新界西議員Ben陳恒鑌早兩日特登揸車去深井裕記食燒鵝，但當佢食咗幾件肥美嘅燒鵝肉後，先施施然話自己幾個星期前去做例行身體檢查，點知出咗嚟嘅報告話佢膽固醇超標三倍，醫生叫佢要開始小心飲食，盡量唔好食咁多肥膩嘅食物，以免增加患上心血管疾病嘅風險。

陳恒鑌（右）話自己多做運動，唔怕爆血管。左為何俊賢。

雖然醫生不斷提醒佢唔好食咁多肥膩嘢，但阿Ben仍然冇有怕照食無誤，佢話自己並無食埋燒鵝嘅脆皮同肥膏，仲專揀瘦肉嚟食，加上自己又做多咗運動，相信唔會咁容易出事喎！講起食燒鵝，佢就成個食神上身咁，話裕記烤爐入面嘅炭購自新加坡，咁樣烤出嚟嘅鵝會特別好味，食完燒鵝後就要去隔籬嘅茶室歎茶，咁就可以中和燒鵝嘅肥膩喇！

第一手消息請下載on.cc東網iPhone/iPad/Android Apps