沙田新城市廣場三樓和四樓的天橋，原先本是行人通道，唔知幾時起，變為化妝品店舖出租，惟被沙田地政處揭發，證實那是發展商未經批准而違規改建，增大租賃面積圖利的；據屋宇署估計，該處增加面積達二千八百多平方呎，每月可多收約八十多萬。這樣肆無忌憚，只顧銀，不理途人和顧客安全（消防及懸空建築結構等問題），實在卑鄙。幸好發覺得早，否則，若出意外，又叫香港廢柴政府多一條罪狀！

沙田新城市廣場的服務對象，本應以區內居民為主，走平民大眾化路線，但隨着強國蝗蟲土豪殺入，那處再沒小本經營，更不宜正常家庭一家大細閒步蹓躂，現每日人多擠擁髒亂吵，似個深幽地獄，多過似一個購物天堂。

有錢派，也唔使旨意我會去！危險兼有臭味！打從強國人個人遊遊香港之後，此地店舖租金升幅，除迫令舖頭仔執笠、殲滅小區多元化經營之外，剩下的，唔係金舖、化妝品店、電子產品店，就係滿街藥舖，暴利的才能生存下來！

一個旺區地舖，閒閒地租一百幾十萬個月，每呎淨值，都係天文數字，所以，即使地契上訂明商業面積不可隨便增加，亦有貪心的人為錢違法。

嗱！在此畀料地政處朋友，喺旺角地鐵站奶路臣街E出口，銀行中心大廈內，以前係有條公共行人路可穿過行去彌敦道的，現卻被裝修規劃為一間金舖內，唔知有無犯法？應派人去巡查吓！油尖旺的議員及屋宇署的員工，唔該打醒十二分精神去做嘢，勿出事後才來補鑊！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps