「少膽虫，你Like唔Like我啫？」一返工就聽到淫賤黎講出咁露骨嘅對白，少膽虫當堂打個冷震，心諗如果一口拒絕，腦腫個位實凍過水，唔通呢次真係貞操不保？「腦、腦細，我唔賣身o架！」

「都唔知你噏乜？我叫你Like我facebook張相呀！」淫賤黎邊講邊用「唉瘋」展示佢fb張「肉照」，只見相入面淫賤黎作高潮眼狀猛索手中菊花。好在少膽虫閱歷深，冇畀眼前驚人影像嚇親之餘仲識把握機會刷鞋，「好一幅美男嘗菊圖，肯定過百Like呀！」點知淫賤黎聽完拍枱怒吼：「得過百咁少邊夠？我身為《爛果》icon，Like我即係Like《爛果》，唔夠Like直接影響銷路！」少膽虫即刻獻計，「腦細唔使擔心，聽聞依家有人專門賣Like，只要出少少錢，想要幾多Like都得！」

「啪！」話音未落，少膽虫已經硬食一巴，「死蠢！我《爛果》造假作嘢出晒名，做媒呢啲嘢使乜外判！出去叫班細嘅一人開一百個ac，日日狂Like我啲靚相咪掂晒囉！」少膽虫聽完都只能嘆句：「腦細英明！」

第一手消息請下載on.cc東網iPhone/iPad/Android Apps