SUN搞作：網絡小說：雙碩士又如何
勞工處內瀰漫火藥味，兩位求職者為求心儀筍工，互相自報家門，以求嚇退對手，「我哈佛畢業，雙碩士學位，精通八國語言、七種土話、六地方言，全球通行，唔請我就真係大損失！」
「識咁多話有咩用，你估依家請人肉錄音機咩！我就唔同喇，我都係『哈佛』畢業，同樣係雙碩士，雖然間大學喺哈爾濱，但我四書、五經、六藝、七律、八卦，樣樣皆能，我淨係識『煲冬瓜』，同強國接軌就夠晒喇！」
「你咁叻，唔北上參加雜技團表演！」雙方你一言我一語，爭持不下。最後，兩人轉向勞工處職員，問：「你話，份四萬八嘅工請邊個？」
職員無奈地道︰「你兩個曉飛都無用喇，碩士唔識洗碗就過主喇！」
