已故全國政協副主席霍英東嘅長孫霍啟剛，尋日出席香港體育記者協會二十五周年會慶，被問到太太郭晶晶點解冇嚟，佢話：「佢（太太）要休息，我係會長，梗係要嚟。」提到聖誕節，佢笑言冇乜特別節目；再追問BB仔中文名公布得未時，佢話之前講過會喺網上講；至於全家福，佢話：「要執相嘛，講笑啫，BB名已經改咗。」

霍啟剛話BB已經改咗中文名，會喺網上公布喎！

增兩岸三地體育交流

佢又透露協會將會有好多推廣體育嘅計劃：「想增加兩岸三地交流，啱啱喺中國舉辦足球、籃球比賽，仲會培訓年輕記者，希望提升體育記者經驗。」佢話香港運動員成績漸提升至國際級，市民希望獲得更多體育常識，佢又話：「讀者依家睇娛樂、新聞、體育版都唔只係睇文字，要求多媒體，對記者要求更高，希望多啲年輕人參與。」

第一手消息請下載on.cc東網iPhone/iPad/Android/Windows Phone Apps