SUN搞作:sun官場現形記:上街慌
有位市民喺鬧市叫囂,遇着屋署署長佳佳,好心嘅佳佳上前睇吓發生乜事……
市民:死啦死啦!周圍咁亂!呢次真係暴動喇!
佳佳:呢位市民咩事咁驚青呢?
市民:依家雞又唔敢食,連街都唔敢出!
佳佳:雞可不食,但街就……唔出?
市民:遍地菠蘿,同胞勿近呀!
佳佳:有菠蘿咁大鑊,要報警處理喎……
市民:你睇吓你頭頂……
(佳佳抬頭一望,赫見天台屋。)
佳佳:咦,間天台屋好似危危乎喎……
市民:鬼咩,你哋執法不力,拆僭建物唔達標,度度都有僭建物,咪成為大量計時炸彈,出街唔驚就假!