鬍鬚曾早前跟住CY落區，聽取市民對施政報告同財政預算案嘅意見，期間有示威者掟雞蛋，掟中鬍鬚曾，搞到佢一頭蛋汁，不過佢勝在EQ高，事後仲自嘲好彩無着靚西裝。之不過，呢啲好聽啲就叫幽默，唔好聽就係面皮厚，唔怪之得年年預算案畀人鬧爆計錯數，佢仲可以處之泰然，仲自認中產添，面皮幾呎厚，擋多幾隻雞蛋都無有怕喇！
