隱形戰警：未遇過咁癲
【本報訊】「我揸咗隱形戰車咁耐，都真係未遇過咁癲嘅司機！」西九龍交通隱形戰車「車手」華仔，在西九龍加入追捕，途中差點成功截停的士，他事後亦驚嘆阿伯司機「手車都唔差」。昨晨的一場「癲車」大追捕，警方的車手亦各顯其技力鬥阿伯車神，其中五名警方車手緊貼「瘋的」未輸過，除了「隱形戰車」華仔外，另一名鐵騎交警榮哥亦未失威，他首先發現可疑的士，結果由頭啄到落尾未甩過，最後亦現身疑犯被捕現場。
「佢手車唔差」
昨晨警方追捕堵截的車陣，包括交通部的私家車、隱形戰車、鐵騎及衝鋒車。交警「華仔」憶述，當時的士時速逾一百四十公里，飛馳至青衣南橋時曾撞壆，差點可以將其截停，料不到司機仍然繼續逃亡：「其實佢手車係唔差o架！」華仔坦言今次是首次碰上如此狂野的司機。而於○二年獲頒長期服務獎的東九龍交通部騎警榮哥，在觀塘繞道首先揭發古怪的士，觸發整個追逐戰，他亦跨區追捕，雖然「四眼」榮哥年紀都不小，但一路閃住燈追截無失手。
據悉，成為隱形戰車「車手」，必須通過俗稱ODC的行動性駕駛訓練，包括車輛操控以及截車時如何運用燈號及警號，以確保道路使用者及本身安全。訓練另一重點是「桶陣」的運用，即面對分秒變化的路況如何配合其他警方車輛，評估對方行車路線加以堵截。完成訓練後還需得到警司推薦，及在一年內無交通違例的紀錄才能「上車出更」。
