每年元旦及七一遊行，都係政黨「吸水」好時機，由於呢兩個遊行都由民陣做主辦單位，所以各政黨之間都有共識，就係吸水之餘都會上繳百分之十捐款畀民陣，等民陣可以乘機「抽水」，唔使蝕到入肉。但今年元旦遊行由民陣同真普選聯盟合辦，聽聞真普聯都已決定向各籌款政黨「抽水」。此例一開，睇怕日後愈來愈多人打政黨主意，想合辦遊行喎！
真普聯尋晚開會，決定向參加元旦遊行嘅政黨「抽水」所得捐款百分之十五，令唔少政黨嘩然，因為民陣向來都係抽百分之十，真普聯抽咁高，似乎唔係咁啱規矩喎。
真普聯同民陣合辦遊行，向政黨「抽水」係正常操作，始終搞遊行都使唔少錢，但兩個機構加加埋埋，每個政黨就唔見咗四分一捐款，你話唔肉赤就假啦，到時分分鐘報細捐款數字，咁就大家都無着數啦！
第一手消息請下載on.cc東網
