太一叮講過，東方報業集團嘅宗旨係精益求益，與時並進，所以，全新旗艦網站「on.cc東網」強勢登場一個月以來，不斷推陳出新，力臻完美，相信大家早已領略到箇中真諦。嗱，改革日日新，精彩陸續來，東網又有嶄新服務嘞，推出「相關新聞」結集功能，體貼讀者需要。

顧名思義，相關新聞即係重大新聞嘅相關消息，對掌握及追蹤新聞好大幫助o架。舉個例子吖，本港日前發生駭人聽聞嘅「衣櫃藏女屍」案，全城轟動，人人關注，為咗方便讀者及網民緊貼事態發展，了解來龍去脈，東網就推出貼心服務，將案件過去三日嘅相關新聞放埋一齊，讀者追蹤消息就更加清晰方便啦。相關新聞等如為讀者提供最就手嘅資料庫，但凡重大新聞如「政改諮詢」、「H7N9」、「泰國示威」等等，統統一覽無遺，一目了然，大家快啲嚟體驗吓啦。

所謂有麝自然香，「on.cc東網」急讀者所急，想讀者所想，真係難怪咁受歡迎o架。嗱，數字最能說明一切，「on.cc東網」強勢登場以來口碑載道，單月不重複讀者人次係三百一十二萬，每日瀏覽總頁次一千五百萬，簡直氣勢如虹。至於全球開放嘅電子報網頁，上星期平均每日九十五萬人次，十二月六日星期五更加錄得一百四十七萬人次嘅最高紀錄。當然啦，東網新聞嘅滲透威力水銀瀉地，每宗新聞都以質素取勝，好似十二月八日晚嘅「特首校慶致辭半百中大生離場抗議」咁，一瞬間已被推介超過四千六百次，你都咪話唔犀利。

仲有吖，家陣上網唔再局限於電腦，智能手機亦愈來愈普及，東網嘅手機apps亦深受網民歡迎，兩個平台合共下載及安裝七百一十萬人次，話東網人見人愛，民見民「載」，一啲冇誇張。

所以話，睇新聞，東網又快又準又齊，錯過真係走寶o架。太一叮提醒各位親愛讀者，假如閣下仲用緊舊on.cc apps，就要快啲更新嘞；如果要更換手機，太一叮嘅建議係Android下載程式嘅款式會更好，事關透過Android下載「on.cc東網」，不出六小時就可以全球更新，第一時間掌握天下大事；反觀另一個平台即iPhone所用嘅iOS，要等四日至兩星期先至有得更新，費時失事。最新調查顯示，目前Android手機全球市場佔有率高逾八成，iOS只剩下一成幾，各位揀手機梗係要貼近潮流啦。

一句講晒，「上東網，知天下」。緊貼東網，包你秀才不出門，盡知天下事！

第一手消息請下載on.cc東網iPhone/iPad/Android/Windows Phone Apps