SUN搞作：網絡小說：擲賤有聲蛋
自從貪曾畀全港市民群起聲討，每次出街都畀人鬧爆，呢件講究排場嘅雀屎梗係搵碇匿，佢恃住同強國政協好熟，決定遠走高飛，上去神州退休長住，大安旨意歎世界食好嘢，仲要有咁盡貪到咁盡添。近日強國大爆H7N9，天氣凍，日日食鮑魚燉肥雞嘅貪曾即刻坐立不安，原來貪生怕死嘅佢驚啲雞有毒，搞到日日無雞湯飲，周身唔聚財喎！又因為喪飲茅台，食得太多毒食品，佢突然間懷念起香港呢個「美食天堂」，於是就鬼鬼祟祟竄返嚟，睇吓有無得貪飲貪食……
貪曾為咗唔好畀人認得自己，特登去啲平民地方，諗住扮「寶藥黨」呃吓啲老人家買飯食，突然，天上一舊異物襲來，成隻老鼠咁嘅貪曾馬上縱身一躍，擒住獵物，定睛一看，竟是一舊缺了一角的鮑魚，心諗：「失去先識珍惜，市民一定係好掛住我喇！」然後，又有異物擲出，貪曾抓了，見是一舊番茄，又再大喜，大字形咁企喺路中心等待禮物嘅到來，然後，無數隻臭雞蛋從四方八面擲出，貪曾滿身臭漿，問：「點解？」在旁市民大罵：「消失啦！畀人掟蛋，係代表你乞人憎呀！」
