SUN搞作：少膽虫手記：路姆西的意思
「腦腫又點？有霸氣可以唔認錯又點？」少膽虫唔止一次咁樣講過：「腦細對鞋唔夠閃令令，淫賤黎唔高興，咪一樣要落力擦？」開班教授新人，少膽虫教落呢啲之餘，當然留番一兩招絕技，就譬如淫賤黎畀人丟蛋之後，又啟發咗一招……
事緣少膽虫帶領一大班壹全霉員工企晒喺門口，夾道歡迎淫賤黎，突然少膽虫一聲「丟！」淫賤黎應聲大嗌：「哎呀！邊條友又丟我？」少膽虫面帶微笑，執番地上嘅毛公仔，上前向他解釋：「LUFSIG！路姆西！」淫賤黎勃然大怒，一手扯實少膽虫耳仔質問：「畀人丟完蛋，仲要丟我路……」
「哎呀！腦細誤會喇！」少膽虫忙話：「呢隻路姆西係瑞典人嘅問候同祝福！」
「問候？」淫賤黎放開手：「丟隻路姆西同阿婆畀我，就係祝福？」少膽虫搏命點頭：「梗係啦！唔通叫你落地獄咩？呢個係瑞典粵籍華人習俗，路姆西代表夠奸夠惡，先鎮得住班鬼佬、等外國勢力咪恰佢哋；淋到乾乾淨淨嘅阿婆呢，就係代表表面乾乾淨淨，但必要時仲可以匿入路姆西個肚！咁先可以喺凍冰冰嘅瑞典生存到嘛！」
「好呀！」淫賤黎拍手大笑：「壹全霉就係要呢種精神！嚟嚟嚟！丟我！丟！快啲一齊丟！」最終，少膽虫呢場擦鞋歡迎儀式喺員工一片丟嘢聲之中結束，據聞嗰日有不少炒咗嘅前員工仲特登返嚟添，真係好成功！
